សម្រស់ថ្មី

ទើបតែប្រទះ ឃើញសម្រស់ថ្មី
គឺសម្រស់ស្រី ដែលបងប្រាថ្នា
សម្រស់ចម្លែក ប្លែកពីបុប្ផា
នៅក្នុងលោកា គ្មានទេព្រះអឺយ

បើថាកាត់សៀម ក៏ដូចមិនសម
បើថាខ្មែរចំ ក៏មិនមែនឡើយ
កាត់ចិនឬយួន មេត្តាអូនឆ្លើយ
ឱ្យបងបានល្ហើយ ពីចិត្តចម្ងល់

អូនជាកូនខ្មែរ អ្នកស្រែសុទ្ធសាធ
ដាំចេកត្រាវក្ដាត ហាលភ្លៀងហាលខ្យល់
ព្រឹកចេញពីផ្ទះ ប្រលប់ទើបដល់
បងអឺយ កុំឆ្ងល់នាំខ្វល់ចិត្តទេ

ដឹងហើយរឹតតែ ស្នេហ៍ហើយ អាណិត
រឹតតែពេញចិត្ត គ្មានខ្វះទេស្នេហ៍

កុំស្នេហ៍អូនអី នាំតែខ្មាសគេ

ចោលមិនបានទេ កុំប្រកែកអី

អូនជាកូនខ្មែរ អ្នកស្រែសុទ្ធសាធ
ដាំចេកត្រាវក្ដាត ហាលភ្លៀងហាលខ្យល់
ព្រឹកចេញពីផ្ទះ ប្រលប់ទើបដល់
បងអឺយ កុំឆ្ងល់នាំខ្វល់ចិត្តទេ

ដឹងហើយរឹតតែ ស្នេហ៍ហើយ អាណិត
រឹតតែពេញចិត្ត គ្មានខ្វះទេស្នេហ៍

កុំស្នេហ៍អូនអី នាំតែខ្មាសគេ

ចោលមិនបានទេ កុំប្រកែកអី