ស៊ូទ្រាំ

ឱ!ក្លិនកេសី ស្រីបងអើយ
ក្លិនអូន ជាប់ខ្នើយនៅថ្មីថ្មី
កូលាបប៉ៃលិន មានឈ្មោះល្បី
គង់ចាញ់ក្លិន ស្រីដែលបងស្ម័គ្រ

ភក្រ្តាក្រឡង់ ដូចវង្សច័ន្ទ
បងលូកដៃកាន់ សែនត្រជាក់
ចិត្តរៀមរំភើប ដោយក្តីស្ម័គ្រ
ស្រស់កែវវលក្ខណ៍ ជឿចុះពៅ

បិទភ្នែកស្រមៃ ឃើញទាំងអស់
ចរិយាសម្ផស្ស ស្រស់ឆោមឆ្លៅ
រយឆ្នាំរយជាតិ បងសូមនៅ
រស់ជិតពាល ពៅគូស្នេហា

សូមជាគូគាប់ រាប់សែនជាតិ
កុំបីឃ្លៀងឃ្លាត លុះមរណា
ស៊ូទ្រាំលំបាក គ្រប់ប្រការ
ឱ្យតែស្នេហា បានសុខអើយ

បិទភ្នែកស្រមៃ ឃើញទាំងអស់
ចរិយាសម្ផស្ស ស្រស់ឆោមឆ្លៅ
រយឆ្នាំរយជាតិ បងសូមនៅ
រស់ជិតពាល ពៅគូស្នេហា

សូមជាគូគាប់ រាប់សែនជាតិ
កុំបីឃ្លៀងឃ្លាត លុះមរណា
ស៊ូទ្រាំលំបាក គ្រប់ប្រការ
ឱ្យតែស្នេហា បានសុខអើយ