Nostalgiaren Maitale

Gaur berriz, etxera bakarrik itzuli naiz
Ta ez dakit jolasaren helburua, zer egin
Nik zugatik eskua behin ta berriz sutan jarriko nuke
Baina denborak dio baduzula denbora erabiltzeko beste modu bat

Oheko izarak bota ditut
Gaueko izarrak urrundu
Akordeak jotzeari utzi
Zure jertseak erre ditut
Gaueko soinuak isildu
Nostalgiaren maitale bihurtu

Aulki hartan eseri ta abestu zenidan
Baina azken kanta hura bezala joan zinan
Gaurkoan gauaren iluntasunean
Negarrik egingo enuela zin egin nintzan

Baina jada itsaso bilakatu naiz

Oheko izarak bota ditut
Gaueko izarrak urrundu
Akordeak jotzeari utzi
Zure jertseak erre ditut
Gaueko soinuak ixildu
Nostalgiaren maitale bihurtu

Gaur berriz, etxera bakarrik, itzuli naiz