Ūzals, Ūzals, Bārzsi, Bārzsi

Ūzals, ūzals, bārzsi, bārzsi,
Kas sjād golda gaļiņāi?
Ūzals, ūzals, bārzsi, bārzsi,
Kas sjād golda gaļiņāi?

Na tī beja ūzals, bārzsi,
Tī jauņivis eistais svuotsi,
Na tī beja ūzals bārzsi,
Tī jauņivis eistais svuotsi.

Jaunika svuotam reti moti,
Kas jūs ratus ratynava?
Jaunika svuotam reti moti,
Kas jūs ratus ratynava?

Pavasari klybuos vuornis,
Deļ perekļu iznuosava,
Pavasari klybuos vuornis,
Deļ perekļu iznuosava.

Mjas dūmovam, mjas guodavom,
Kaida putna bārn' atvjede?
Mjas dūmovam, mjas guodavom,
Kaida putna bārn' atvjede?

Voi cīlavis, voi žogotys,
Voi vuorņaņis škebereitis?
Voi cīlavis, voi žogotys,
Voi vuorņaņis škebereitis?

Ka cīlavis - saimineica,
Ka žogotys - runuotuoja,
Ka cīlavis - saimineica,
Ka žogotys - runuotuoja.

Ka vuorņaņis - škebereitis,
Vot byus saimis šķuorsteituoja,
Ka vuorņaņis - škebereitis,
Vot byus saimis šķuorsteituoja.

Kur Aņņeiti taidu jiemi?
Kur tev taidsi gadejuosi?
Kur Aņņeiti taidu jiemi?
Kur tev taidsi gadejuosi?

Mjas byut taidu pasmāluši,
Takūšejā upeitīji.
Mjas byut taidu pasmāluši
Takūšejā upeitīji.

Nasakroti tu, Jūzopi,
Napīdari krateitīsi,
Nasakroti tu, Jūzopi,
Napīdari krateitīsi.

Aj da klāvam pasakroti,
Pret sovīmi syvānīmi,
Aj da klāvam pasakroti,
Pret sovīmi syvānīmi.