من كان يا مكان

من كان يا مكان مسرحنا زمان
صندوق مليان بكنوز ورموز وده مش تهويل
أسماء علامات صنعوا الحكايات
وسابوا لنا تاريخ بُكى ضحك صريخ
كده جيل وراء جيل

يعقوب صنوع والقباني
جورج فاتح لك باب يا ريحاني
كان كش كش بيه يرمي الإيفيه
جمهوره يقول له إرميه ثاني
يا عزيز ولا يوم من أيامك
يوسف بيه مسرحه قدامك
كانوا صالة ولوج يسمعوا مونولوج
يخرجوا حافظين كل كلامك
يا علي يا كسّار في المداري
بثلاثة جنيه ماضي وشاري
يا بديع سلم ع الإبياري
وإرمي لنا على سُمعة سلامك

ويمر زمان يجي بعده زمان
والمسرح يفضل بيت مليان دايماً سكان
زكي يا طليمات عندنا نجمات
خفة إسعاد رقة شويكار طلة شريهان (طلة شريهان)

يا فؤاد هات مدبولي وقول له
عادل إمام الجيل كله
وسمير لو مية ساعة لوحده
عُمر الناس منه ما هيملوا
أردش وكرم عاشوا معانا
ومحمد صبحي ده جوانا
ونجم وراضي بقفشاتهم
يا ست سميحة يا وحشانا
آه يا ست سميحة يا وحشانا
يا سهير نادي البت سكينة
يا بدير عبد العال أثر فينا
يا سعيد قول للست أمينة
رزق المسرح ناس فكرانا

وهيفضل مسرحنا بخيره
دايماً ليه دوره وتأثيره
ده المسرح زي الهوا والروح
عمرنا ما نعيش يوم من غيره