'A Cinquecento

Doppo ave' fatto diebbete e cambiali
Riuscette a m'accatta' 'na Cinquecento
Seconda mano ma pareva nova
Verde pisello e crummature argiento

Moquetta 'nterra, tappetine 'e lusso
Sedile ribaltabili, è argentina
Io m' ha lavavo quase ogni matina
'O sfizio sulamente d'a guardà

Fari allo jodio, 'nu rilorgio a quarzo
Motore ritoccato, steva 'a guerra
C'avevo miso pure 'o Pioner
Nastre, cascette... pure 'e Barry White

Che vuò sentì, Carmè? Donna Summer?
'Nu piezzo 'e John Travolta... Peter Tosh?

Io le mettevo 'e mmane mmiezzo 'e mmane
Calavo il ribaltabile e voilà

Modestamente, tengo 'nu cric dinto 'a Cinquecento
Che aiza pure 'e camion a rimorchio
'Stu crick è 'nu regalo 'e papà mio
Me cride? È fatto 'e fierro originale

'Na brutta sera però 'a lasso mmiezzo 'a via
Ero curruto: mamma steva male
'A metto 'int' 'o parcheggio d' 'o 'spitale

E quando scengo nunn' 'a trovo cchiù
Me cride? Addeventaie una lampa 'e fuoco
'O cuollo s'abbuffaie comme a 'na votte
Steva scuppianno tutt 'a vena aorta

E 'o core... 'o core nun c' ha faceva cchiù

E mò pure Carmela m' ha lassato
Pecchè s' hanno arrubbato 'a Cinquecento
S' è misa cu' uno cu' n'otto e cinquanta
Pecchè tene 'e cascette d' Elton John

Scetateve guagliune 'e malavita
Dimane 'a Cinquecento adda sta' ccà'!