បង្គងជីវិត

មេឃមីស្រទុំ ភ្នំវែងអន្លាយ
កូនខ្ញុំស្រែកយំរកម្ដាយ
ទ្រូងស្ទើរធ្លាយ អាណោចជីវិតអើយ
បទភ្លេងខ្លងខែក ទូងហែកដួងចិត្ត
ពពករសាត់ បាំងជិត
បិទអស់ កាំរស្មីហើយ

ដើមគឈរជ្រោង រោលដោយភ្លើងផ្សែង
មើលចុះ ដីបែកក្រហែង
លេបរូបអូន ឱ្យប្ដីកំព្រាអើយ
កងកម្មបំបែក យប់ក្លាយជាថ្ងៃ
ឃើញដួងចន្ទខ្វះរាត្រី
ប្រៀបដូច ជាត្រីរស់ខ្វះគង្គា

ឈើច្រត់ទប់ខ្លួន ភ្នែកសម្លឹងផ្នូរ
អាចារ្យឱ្យធម៍ ព័ទ្ធពន់សីមា
ទង់រូបក្រពើ ចំណងមរណា
រៀមរែងខ្លោចផ្សារ ស្រណោះរូបស្រី

កូនយំននៀល ត្រៀលលើអង្រឹង
ខ្លែងស្រាក់ យំទារព្រលឹង
ស្រែកយំជ្រែកអាកាសាអើយ
ពុកត្រកងកូនកំព្រាមាតា
ឱបផ្ទប់ជាប់ក្នុងឱរ៉ា
ចាប់ផ្សាម្ល៉េះណា បង្គងជីវិត

ឈើច្រត់ទប់ខ្លួន ភ្នែកសម្លឹងផ្នូរ
អាចារ្យឱ្យធម៍ ព័ទ្ធពន់សីមា
ទង់រូបក្រពើ ចំណងមរណា
រៀមរែងខ្លោចផ្សារ ស្រណោះរូបស្រី

កូនយំននៀល ត្រៀលលើអង្រឹង
ខ្លែងស្រាក់ យំទារព្រលឹង
ស្រែកយំជ្រែកអាកាសាអើយ
ពុកត្រកងកូន កំព្រាមាតា
ឱបផ្ទប់ជាប់ក្នុងឱរ៉ា
ចាប់ផ្សាម្ល៉េះណា បង្គងជីវិត