Wintersport

Links e Boge
Und nächär rächts e Boge
De mitem Lift nach obe
Und ds ganze nonemal

I bi äbe us de Bärge
U Bärge kenni ds Läbe lang
We's de im Winter chunnt cho schneiä
De dänki wieder jedesmal

I wett o eis uf d'Maledive
I wett o eis uf Mexiko
Doch mini allerliebschti Frou wott
Das uf gar kei Fall eso

Alles was sie wott isch Wintersport
Alles was sie wott isch Wintersport
Alles nur nid ane warme Ort
Alles was sie wott isch Wintersport

Und immer wieder links e Boge
Und nächär rächts e Boge
De mitem Lift nach obe
Und ds ganze nonemal

Viellicht chämm sie mit ids Wellness
Hani mir o scho überleit
Doch chum si mir zwöi i dr Sauna
Seit sie, dass sigi ihre z'heiss

Denn sie wöll nid uf d'Maledive
Und sie wöll nid uf Mexiko
Sie wöll gah ds Abi usefahre
Das sig bi ihre halt eso

Alles was sie wott isch Wintersport
Alles was sie wott isch Wintersport
Alles nur nid ane warme Ort
Alles was sie wott isch Wintersport

Und immer wieder links e Boge
Und nächär rächts e Boge
De mitem Lift nach obe
Und ds ganze nonemal

Und wieder links e Boge
Und nächär rächts e Boge
Äs Kafi Lutz ga hole
Und ds ganze nonemal

Itz hocki uf de Maledive
Und äs isch huere more heiss
Hane füürzündrote Grind und
Verstah ufs Mal was sie het gmeint

Alles woni wott isch Wintersport
Alles woni wott isch Wintersport
Alles nur nid sone warme Ort
Alles woni wott isch Wintersport

Und immer wieder links e Boge
Und nächär rächts e Boge
De mitem Lift nach obe
Und ds ganze nonemal

Und wieder links e Boge
Und nächär rächts e Boge
Äs Kafi Lutz ga hole
Und ds ganze nonemal