Vegtamskviða

Senn váru æsir allir á þingi
Ok ásynjur alla á máli
Ok um þar réðu ríkir tívar
Hví væri Baldri ballir draumar

Upp reis Óðinn,alda Gautur
Ok hann á Sleipni söðul of lagði;
Reið hann niðr þaðan niflheljar til;
Mætti hann hvelpi, þeim er ór helju kom

Sá var blòðugr um brjóst framan
Ok galdra föður gól of lengi;
Fram reið Óðinn, foldvegr dunði;
Hann kom at hávu Heljar ranni

Þá reið Óðinn fyrir austan dyrr,
Þar er hann vissi viku leiði;
Nam hann vittugri valgaldr kveða,
Unz nauðig reis, nás orð of kvað.