Falani

रै, मैं पूरे लोगों चार भकाया बरस फलाणी नै
मेरा तोड़या दिल नादान, ना आया तरस फलाणी नै

मुड़या भी ना जावै उस मोड़ पै तू छोड़गी
मोड़गी निशानी सारी, दिल क्यों ना मोड़गी?
झूठी तेरी क़सम थी, झूठी तेरी बात सारी
(गैल तेरे देखे थे, वे ख़ाब सारे तोड़गी)

न्यूं तै कई बै राखे झूठे लोगों बरत फलाणी नै
मेरा तोड़या दिल नादान, ना आया तरस फलाणी नै

बस घाटे खाए छोरे नै, पर मिल्या किमे ना यारी मै
बैठा रोज गिणूँ तारे अर सोऊँ रात नै वारी मैं
बस तू'ए अपनी लागै थी, मन्नै पूरी दुनियादारी मै
भूल ना पावैगा Vikram, तन्नै छोरी ज़िन्दगी सारी मै

मेरै जाती हाणा हाथ थमाया चरस फलाणी नै
मेरा तोड़या दिल नादान, ना आया तरस फलाणी नै

रै, मीठे कदे होया करते, आज बोल लागते ज़हर तेरे
हाथ करागी पीले तू अर गये क़दम ये ठहर मेरे
सांभ कै राखे थे letter जो पाड़ बगाये नहर तेरे
By-pass तै लिकड़ै छोरा, बड़ता ना पर शहर तेरे

तेरै पायाँ नीचै काढ़ बगाया फ़रश फलाणी नै
मेरा तोड़या दिल नादान, ना आया तरस फलाणी नै

मेरा तोड़या दिल नादान, ना आया तरस फलाणी नै
रै, मैं पूरे लोगों चार भकाया बरस फलाणी नै

Guri Nimana apply this beat