Bhim Vikrami Veera

महामनस्वी महामानवा
महामनस्वी महामानवा
अगणित गुणगंभीरा
त्रिवार तुजला घे अभिवादन भीम विक्रमी वीरा
त्रिवार तुजला घे अभिवादन भीम विक्रमी वीरा

चवदार तळ्याचे पाणी पेटून उठे चैतन्य
तुज पूढती निष्प्रभ झाले वावदूक पंडित मन्य
जयशाली दलित दलाचा तू सेनानायक धन्य
पददलिता आधार दिला तू
पददलिता आधार दिला तू
धीर दिला रणधीरा
त्रिवार तुजला घे अभिवादन भीम विक्रमी वीरा
त्रिवार तुजला घे अभिवादन भीम विक्रमी वीरा

विष जहरी अन्यायाचे पचविलेस आत्मबलाने
दलितांच्या दुबळ्या माना केल्यास ताठ अभिमानें
निर्दयासी लाजविले तू देऊन दयेची दाने
समतेसाठी झुंजलासी रे
समतेसाठी झुंजलासी रे
अपराजित खंबीरा
त्रिवार तुजला घे अभिवादन भीम विक्रमी वीरा
त्रिवार तुजला घे अभिवादन भीम विक्रमी वीरा

मन स्वतंत्र नाही ज्याचे तो मुक्त असूनही दास
मन स्वतंत्र नाही ज्याचे जीवन मृत समजा खास
हा मंत्र महामोलाचा तू दिलास या देशास
हे प्रति बुद्धा अभिनव बुद्धा
हे प्रति बुद्धा अभिनव बुद्धा
नवयुग घटनाकारा
त्रिवार तुजला घे अभिवादन भीम विक्रमी वीरा
त्रिवार तुजला घे अभिवादन भीम विक्रमी वीरा