Ha! Mboriahu

Ha! Mboriahu
Ha mboriahu, reisu'úva anga opaite mba'e
Hípa Tupã, peichaite ra'e ore mbojoavy
Ha mboriahu, ñembyasy ha tesay rupa
Ku mayma oimevéva mba'asy
Nderehénte ojejapetepa
Ha mitãicha repoñy

Mboriahúnte, pehendúne ika'úrõ ha imonda
Anichéne pytu'úpe oikovérõ pehecha
Mboriahúnte ko yvy ári ojapóva naiporãi
Ha omanórõ ni yvyguýpe
Mboriahúgui nahendái

Ha mboriahu, ipohýi reipykúiva tape
Ha nde py'a, mamove ndojuhúi pytu'u
Ha mboriahu, Ñandejára tukumbo rupa
Piko aipo ñamanórõ añete
Ñuatindýgui ñasê ha jaha
Jaipykúivo añaretã

Mboriahúnte, pehendúne ika'úrõ ha imonda
Anichéne pytu'úpe oikovérõ pehecha
Mboriahúnte ko yvy ári ojapóva naiporãi
Ha omanórõ ni yvyguýpe
Mboriahúgui nahendái

Ha! Mboriahu