Kecik-Kecik

Kecik-kecik, kecike manila, ya mas ya
Prayogane tumrap para muda
Mbesuk dadi mas, wong kang dipercaya
Sing becik dienggo, dibuang barang sing ala

Oowing, kecik, kecike manila
Oowing, yen kasep njur aja gela

Kecik-kecik diwadahi takir, ya mas yo
Sawo kecik saka kaliyasa
Bengi mikir mas, esuk sore mikir
Kok ya kebangeten, dipikir ora rumangsa

Oowing, kayune ukir-ukiran
Oowing, wong manis dadi pikiran

Kecik-kecik, kecike manila, ya mas ya
Sawo rontok tibane ning banyu
Mbiyen jare ngaku isih jaka
Ning bareng ketemu, horotoh anake wolu

Oowing, ana grumbul dalan luwak
Oowing, yen urung bejane awak

Kecik abang, kecik sawo gunung, ya mas ya
Tuku serabi ing Kutho Semarang
Urip mbujang mas, kok rasane bingung
Bareng arep rabi, horotoh reregan larang

Oowing, kecike digondol wulung
Oowing, dhuwit sithik sing nginger bingung
Oowing, kecik-kecik isine sawo
Oowing, sampun sayah nyuwun ngaso

Oowing, sampun sayah nyuwun ngaso