Cannstatt

Cannstatt

Scho wieder an neua Supermarkt, 
da wo des scheene stille Täle war,
Stahl, Neonlicht, älles zubedoniert,
Gott-sei-Dank, dass der Kommerz regiert

Der Wolf isch wieder da, au den knalla mer schnell ab 
ond baued lieber a neue Schweinemast.
Die Natur sei dem Menschen untertan,
so steht's en der Bibel, ond da halta mr on dran

Zwischa Cannstatt on Schtugärt da steht a Tunnel,        
wenn mr neifahrt, wird's dunkel, wenn mr raus fahrt nemme hell. 
Leider gehn em Schwobaländle d'Lichter aus, 
Guat Nacht, Adee, i ben jetzt raus...

Verschwörungstheoretiker ond Nationalisten, 
Ja-Sager ond Lobbyisten,
Ihr machat euch die Welt so wie se euch gefällt,
ond sen scharf uff onser Steuergeld.

Schreier, Spalter von links ond rechts,
wer am lautasta bläägt, der moint er hat Recht
normal sott mr denka, machat doch was ihr wollt,
aber merkt euch ois, ihr seid net des Volk.

Am Millionabuckel wo bloß Bonza wohnat, 
goldne Gardazwerg vor de Villa tronat, 
Stuggärt isch reich, hipp ond adrett, 
doch emmer me Kender geh'n hongrig ens Bett.

Oder Oma, die ihr Leba lang buckelt hat,
4 Kendr uffzoga, offiziell nix g'schafft,
zum Leba zuwenig zum sterba zuviel, 
na gang halt Leergut sammla, so isch der Deal."