Schwobaliesl

Schwobaliesl

Mädla was geht ab, 
wer glaubt denn no den Bab,
wer glaubt denn no den alta Mischd,
Mädla kommat, danzad mit.

Mädla mir sen frei, 
hen onsern Spaß dabei,
koin Typ, der ons sagt wie's geht
Pech, wer des net versteht

Mir machad onser Ding,
dazu brauch mehr koin Ring,
onser Läba, onser Weg,
Mädla, es isch nie zu spät.

Mädla jetzt geht's los, 
koi Regla, koi Verbot,
he, was soll der Geiz, 
Mädla jetzt isch onsre Zeit.

Viel Stoi, wenig Brot,
Gsangbuch, Tanzverbot, 
Weiber ghörn en d'Kücha nei, 
Mädla, des isch jetzt vorbei 

Hopsa Schwobaliesl, komm steh uff tanz nach der Fiedel 
Hopsa Schwobaliesl, komm steh uff ond tanz
Hopsa Schwobaliesl, dreh di wild, tanz nach der Fiedel
Hopsa Schwobaliesl, komm steh uff ond tanz.

Scheiß uff dr Prinz
ond sein weißa Gaul,
beide wärad irgendwann
alt, fett ond faul

Die gute alte Zeit,
die isch zom Glück vorbei, 
Mädla mir sen selber groß,
ois, zwei, drei - tanzad los"