Dulo Ng Pahina

Sa unang sulyap sa ’yong mukha ay alam ko agad
Na kailangan ng pamagat ng gagawin nating kwento
Sa bawat ngiti ng ‘yong mata ay nahulog ako
Sa mundong umiikot sa ‘yo na para bang walang ibang tao

Sana’y samahan mo akong kulayan
Ang kulay abo kong mundo kung saan
Ikaw lamang ang kulang, hindi magkukulang
Ang pagmamahal ko sa ’yo

Sana’y ikaw at ako
Sa dulo ng pahina ng aking libro
Kasama kang maglalakbay sa bawat yugto
Ng kwentong sinusulat ko

Mapapangako sa ’yo
Walang hanggang pagmamahal ibibigay ko
Hanggang sa pagtanda aalalay sa ’yo
Magtiwala ka lang mahal ko

Sa bawat saya mong dala
Napapatanong na ako
Kung totoo bang lahat ng ito
‘Di lang mapaniwalang pinili ako

Na makasama mong sabay kulayan
Ang kulay abo kong mundo kung saan
Tayo lamang ang kulang hindi magkukulang
Ang pagmamahal ko sa ’yo

Sana’y ikaw at ako
Sa dulo ng pahina ng aking libro
Kasama kang maglalakbay sa bawat yugto
Ng kwentong sinusulat ko

Mapapangako sa ’yo
Walang hanggang pagmamahal ibibigay ko
Hanggang sa pagtanda aalalay sa ’yo
Magtiwala ka lang mahal ko

Kay tagal hinintay ang araw na ‘to
Na makita kang naglalakad at patungo
Ng altar dala ang ating pangako
Na tayo hanggang dulo

Alam kong ikaw at ako
Sa dulo ng pahina ng ating libro
Kasama kang maglalakbay sa bawat yugto
Ng kwentong sinusulat ko

Mapapangako sa ’yo
Walang hanggang pagmamahal ibibigay ko
Hanggang sa pagtanda aalalay sa ’yo
Marinig ko lang sagot mong oo