Afiador, Paragueiro.

Eu non sei se será certo
o que lin nunha revista
os maiores industriais
veñen da terra da chispa.

Paragüeiro afiador
arranxo fontes e pretos
merco caldeiros de pote
como as vellas os farrapos.

Miña nai tiña unha filla
e uns vinte anos e pico
non a deixaba ter mozo
ata que viñera rico.

Foiche chegar quen a tentou
un paragüeiro de Ourense
Un paragüeiro de Ourense
con sinxeleza gañou.

Ela ben o merecía
era unha moza elegante
e a casiña ben feita
i o lameiro por adiante.

Falaron co paragüeiro
trataron o casamento
i o sábado máis cercano
casaronse moi contentos.

A súa casiña nova
de cativos van encher
poñan tódolos sentidos
cando ven o anoitecer.

Vira a roda e vota chispas
un mes e dous o terceiro
ata que notou que había
principios dun paragüeiro.