黄金の言葉

忘しっでぃしんまい忘しらいん一日
酔いふさり 踊り回りゅーたー日々
かぬ女性とぅ出会いうらだか
遠た昔ぬ話
アマン骨ぬ
折りっでぃすすきゃーどぅ踊り
ジャッてぃグッてぃ
飲んがつな貴方とぅ踊らでぃ
アパラギ女性達
心ありゅーんぎ振す°さ°しー
グールグールってぃ
腰う回らしどぅ あびりゅう
年末ぬ夜がじゃみき°クラブ
うまんまいかまんまい
すぴす付き°人々
人文持ちゃーや
くまんなうらんぎどーり
欲ん喰れい 酒ん喰れい
女性達ぬ後ゆ追い回りゅー男性達
スプースプーてぃ
きふみきうてぃーまい にんなーり
ブス°サ°ブス°サってぃ
むぬや聞かいん中ん
思いまいみーん黄金言葉
ナマジャーカぬクラブ
時間な止みーどぅ
鳥肌まい立たっでぃ
人生ぬ見いらいたー
アーヤガアーヤ
垢ぬ落てぃーぴす°
あんしぬ事象てぃやありゃーみーん
世ぬ広がりぴす°
アーヤガアーヤ
飛びどぅインガナス
まないぎ口から出でぃた
世ゆ覆す言葉

アンマースクラブんな
終了てぃや見いらいん
ぴゃーすぱい男性達
夜ぬ明きす°きゃーどぅ踊りゅう
煙返りゅクラブんな
欲ぬばーきどぅ散りうー
明日やらばん 来年やらばん
変らでぃが
何まい無っだんぎなり うぬ女性ま
シャーカぬ風ん吹かれ消りたー
残す°たーむのー酒とぅ煙ぬ香じゃ
あしてぃ欲ん喰れーぬ 偉み男性達