مترونوم

لو يومي زي امبارح
ما تصحونيش من النوم
لو يومي زي امبارح
ما تصحونيش من النوم
ولو إني في الآخر راح أقوم
رغم الأخبار الشوم
شوف أنا أهو أنا أهو أنا أهو
غصب عن عينكو باقوم
شوف أنا أهو أنا أهو أنا أهو
غصب عن عيني باقوم

هادوّر على شجرة
شاهدة باقية
تحكيلي القصة الغايبة
يخبطني الهوا وأنا سايقة
يطيّر مني الهموم
ده يا بخت اللي قادر يزعل
ويحس ويعيط ده اليوم
ده يا بخت اللي قادر يزعل
ويحس ويعيط ده اليوم
والنبي يا حزن املاني
ولا تسيب قلبي نايم ما يقوم
والنبي يا حزن املاني
ولا تسيب قلبي نايم ما يقوم

أمانة عليكي يا شمس
ما تطفي نور النجوم
قبل ما تنهيلي الأمس
خلي أحلامي تدوم
قلبي موجوع موجوع موجوع
وبيرمي عليا اللوم
قلبي موجوع موجوع موجوع
وبيرمي عليا أنا اللوم
يا قلبي يا متعشم في هنايا
ده حبايبي راحوا مني بالكوم
بس أنا شايلة الحدوتة معايا
هاحكيها
تعيش وتدوم
شوف أنا أهو أنا أهو أنا أهو
شوف أنا أهو أنا أهو أنا أهو

شوف أنا أهو أنا أهو أنا أهو
شوف أنا أهو أنا أهو أنا أهو
شوف أنا أهو أنا أهو أنا أهو
انا اهو انا اهو انا اهو