Yaretek

ولسه برضو في عيني أميرتي
مهما قابلت وشوفت مش هحب قدك إنت
ياريتك كنتي باقية عليّ ياريتك كنتي فضلتي
إزاي تخوني ثقتي وكنت بقول عليكي بنتي

أنا اتوحشتك رغم قسوتك و وحشاتك
وعارف برضو إني ولا يوم في البعاد وحشتك
ذنبي في رقبتك مش هضعف ثاني وأسامحك
اتجننت لدرجة إني بشوف في وشوش الناس ملامحك

أنا أضعف من ما تتخيلي
ببان قوي وقادر ع البعد بس أنا تعبان أوي
بقى لك سنة ونص بعيدة ولا حتى بتسألي
بنام وبحلم بيكي معايا وأصحى على واقع سودوي
أنا مش لاقيكي مهما أدور مش لاقيكي
كنتي صاحبي وكنتي أهلي كنتي عزوتي وشريكي
وأنا عارف إنك مش هتبقى ليّ ولا أبقى ليكي
بس أنا صعِب عليّ إنك تبيعي وأنا شاريكي

معرفتش أعيش بعديها مكانتش فترة عشان أعديها
دي الغلطة الكم عِديها بسامح فيها وبتعيديها
ربنا يهديها كانت بنتي وكنت مربيها
يعز عليّ إنها سابتني وراحت للي بيلعب بيها

العمر بيّ وقف وإنت بعيد عن عيني كبرتي
والعيد ميلاد أهو عدى علينا وإنت مش خطيبتي
كانت كل الدنيا بتنور وقت أما ألاقيكي ضحكتي
بعدك بضحك بس الضحك ده كله كان على خيبتي

عدت سنة ونص ولسه برضو في عيني أميرتي
مهما قابلت وشوفت مش هحب قدك إنت
ياريتك كنتي باقية عليّ ياريتك كنتي فضلتي
إزاي تخوني ثقتي وكنت بقول عليكي بنتي

مكانش سهل عليّ تخوني
لو كل الدنيا كانت بتهون عليّ مش بتهوني
كل اللي بعدك دول بيعدوا وقتي مش بيطمنوني
صورتك لسه زي ما هي خلفية تليفوني

أنا مزهقتش منك ولا بطلت أحبك
بس تعبت من الصراع قلبي يحن وعقلي يسبك
متقوليش أنا سيبتك بزعل لما يجيبوا سيرتك
وده وضع يتعب أول ما راهنت عليكي خسرتك

مش كان زماننا سوى بنضحك على كل اللي عدى؟
مبقتش أستحمل كلمة خلاص بقيت نفسيتي هشه
إزاي تقولي ماشية إزاي تكوني باعدة؟
ده أنا قبلك كنت بغرق وإنت كنتي ليّ القشة

عاتبيني طب قولي أي حاجة حتى وبوحي
قولي إن مهانش عليكي البعد ولا بتهون جروحي
مجاش في بالي إنك هتمشي ويمشي معاكي طموحي
لما كنت بقول لك إنك روحي مكانش قصدي تروحي

العمر بيّ وقف وإنت بعيد عن عيني كبرتي
والعيد ميلاد أهو عدى علينا وإنت مش خطيبتي
كانت كل الدنيا بتنور وقت أما ألاقيكي ضحكتي
بعدك بضحك بس الضحك ده كله كان على خيبتي

عدت سنة ونص ولسه برضو في عيني أميرتي
مهما قابلت وشوفت مش هحب قدك إنت
ياريتك كنتي باقية عليّ ياريتك كنتي فضلتي
إزاي تخوني ثقتي وكنت بقول عليكي بنتي