Текст песни

Әкең мен асыл анаңның,
Бойында жатып жаралдың.
Алдыңнан тосар бақытың,
Алғысын алсаң солардың.

Әкең мен анаң,
Әкелген адам,
Бәріңді мына өмірге.
Ажарың болып,
Базарын көріп,
Отырсың жайнап төріңде.

Қуансаң көңілі жайланар,
Мұңайсаң жүдеп қайғы алар.
Әкеңдей адал мейірбан,
Анаңдай қамқор қайда бар.

Әкең мен анаң,
Әкелген адам,
Бәріңді мына өмірге.
Ажарың болып,
Базарын көріп,
Отырсың жайнап төріңде.

Ағарып атқан таң дайын,
Балаңның сүйіп маңдайын.
Көзімнің ақ пен қарасы,
Жүріңдер аман әрдайым!