李小龍電影組曲: 唐山大兄 / 猛龍過江 / 馬永貞大戰精武門 (Live)

李小龍電影組曲: 唐山大兄 / 猛龍過江 / 馬永貞大戰精武門 (Live)

唱: 鄭錦昌
曲: 古曲
詞: 鄭錦昌
編: 何鈞源

(經典迴響
粵語金曲王子
再遇香江 各位觀眾
由文化舞臺創意中心主辦
環星娛樂有限公司製作
鄭錦昌輝煌歲月演唱會
現在開始)

唐山大兄
唐山有個大兄
俠骨丹心最重友情
唐山到泰國去賣命
事關佢雙腳有力勁
你咪見佢又傻又呆自稱
佢隻腳一踢出最心驚
更有一招反手都無得剩
哼哼
抓親呢佢會將性命領
絕招新怪又奇又驚
李小龍呢三腳滿天驚
電影經演出都已成名
人皆知李三腳絕勁
場場肉搏連環步法精
哎呀
拳拳肉到打得認真醒
實在是刺激緊張搏命
佢拳頭大戰啲惡魔無掟柄
踢到個個一仆一碌
睇到都心驚就是大命
若俾腳一踢親都會攞命
哼哼

攞起雙棍上陣
唐龍為去歐洲
幫親友解決苦困
殺到地震天暗
為救佳人共阿昆
皆因嗰間餐館
係要逼佢賣憤恨
逼得阿龍哥龍哥攞棍
打到起印 睇到心震
共鬼佬打到滿地塵
拳腳拳腳來往打親
狼過華秀都不堪
成個牙骹都打崩
唔怕人馬多軍將計運
一郁親當啲生菜咁樣吞
一於打到佢發呀瘟
用腳一揼佢真笨
成舊撻底仲亂滾
大叫一聲心都震
睇到心震 心震
心震心震 打得真過癮

精武門 (Woo Ha)
威震在武林 (Woo Ha)
精武門的拳擊在天下有名
仁慈創辦者霍元甲人懷義
但被人暗殺了
激憤眾徒兒
(激憤眾徒兒)
嗰個五哥個名叫做陳真
(陳真)
佢為人義氣 心中生氣
遠走窮鄉為找仇家
獨個單身去復仇

上海灘有個馬永貞
佢拳頭如斗通街收數
大似老虎蟹
但人人崇拜
皆因當初佢真正威
佢把啲惡魔大打特打
打得個個仆底
馬永貞今次陳真談判
呢呢呢呢未講就打
迷蹤拳出 動手動腳
大顯神威
馬永貞大戰精武門
唐山大兄

(多謝多謝
Thank you
多謝啲師傅
唉 攞我老命啊
一開始就要唱咁勁嘅歌
你估我總十八廿二咩
阿妹 哈哈哈
掂唔掂啊
鍾唔鍾意啊
只要你哋鍾意就得啦
今晚真係好高興
重有好多朋友
係上面係嗰邊啊
多謝你哋捧場
多謝 thank you
多謝多謝
好多謝 好多謝)