Grander Nou L'Ame

Sak momen ki nu ti ensam
1 ti zafer ti p traversé
Kumadir ti partaz nu l'ame
Souvan nu ti p inspiré
Nu partaz l'éspri grander l'ame
Ki ti p deroulé
Kumadir ti konn nu kamouad
Depi 100 banané

Souvan dan nu conversatio
Ti ena buku question
Pa souvan ti truv solition
Nu l'éspri gros plané
Parfoi nu ti analysé
Nu fini par riyé
Nu na pa ti ban gran l'éspri
Nu ti viv dan simplicité

Pourtan buku leten finn passé
Saken ti finn fer so simé

Souvan de fois dan mo pensé
1 ti flass traversé
1 zafer pa kapav asté
C lamour avek l'amitié

Nu ti ena buku materiel
nu ti ena solidité
Souvan de fois ti p koz Lenonon
Ek king Bob Marley
Nu ti ena buku respé
Zot ti zis apré Bon Dieu
Leten to trap to la gitar
Mo trap mo plim mo papier

Mo ti asizé r mo ti fam
Emba 1 pié badamien
Nu tou les 2 ti p pez nu nam
Mo ti p frot so lipié
Parfoi ti ti zafer traversé
Kokin tou mo pensé
Rapel mo leker ek mo l'ame
Loin loin dan le passé

Loin loin dan le passé
Loin loin dan le passé
Loin loin dan le passé...
Loin loin dan le passé

Pourtan buku leten finn passé
Saken ti finn fer so simé
Pourtan buku leten finn passé
Saken ti finn fer so simé