Bugeilio'R Gwenith Gwyn

Mi sydd fachgen ieuanc ffôl
Yn byw yn ôl fy ffansi
Myfi′n bugeilio'r gwenith gwyn
Ac arall yn ei fedi

Pam na ddeudi ar fy ôl
Ryw ddydd ar ôl ei gilydd?
Gwaith ′rwyn dy weld, y feinir fach
Yn lanach, lanach beunydd!

Glanach, lanach wyt bob dydd
Neu fi â’m ffydd yn ffolach
Er mwyn y Gŵr a wnaeth dy wedd
Gwna im drugaredd bellach

Cwnn dy ben, gwêl acw draw
Rho i mi’th law wen dirion
Gwaith yn dy fynwes bert ei thro
Mae allwedd clo fy nghalon!

Tra fo dŵr y môr yn hallt
A thra fo ‘ngwallt yn tyfu
A thra fo calon dan fy mron
Mi fyddai’n ffyddlon iti

Dywed imi’r gwir heb gêl
A rho dan sêl d’atebion
P’un ai myfi neu arall, Gwen
Sydd orau gen dy galon