Lisa Lân

Bûm yn dy garu lawer gwaith
Do lawer awr mewn mwynder maith
A dy gusanu Lisa gêl
Yr oedd dy gwmni'n well na'r mêl

Fy nghangen lân, fy nghowlad glyd
Tydi yw'r lanaf yn y byd
A thi sy'n peri poen a chri
A thi sy'n dwyn fy mywyd i

Pan o'wn i'n rhodio gyda'r hwyr
Fy nghalon fach a dôdd fel cwyr
Wrth lân do gân yr adar mân
Daw hiraeth mawr am Lisa lân

Lisa, a ddoi di i'm danfon i
I roi fy nghorff mewn daear ddu?
Gobeithio doi di, f'annwyl ffrind
Hyd lan y bedd, lle'r wyf yn mynd