انا مشتاق

يمر الليل ويهب النسيم
وتاخذني طواريك معه
على الذكرى القديم يا قديم
أنا حالي براه اللي براه
ورا الخافق لك سر مقيم
حفظته مثل حفظي للوصاه

يا عنق الريم يا عين العديم
ويا مبدأ القصيد ومنتهاه
يا أبو خصرٍ نحيل مستقيم
وردفٍ تشتكي منه العباه
أنا مشتاق والله العظيم
وشوقي واصل لأجلك مداه
وشوقي واصل لأجلك مداه

ترى ما نديم إلا النديم
مصيره يذكره مهما نساه
أشوفك نور في الليل العتيم
وأشوفك موت وأشوفك حياة
وأشوفك موت وأشوفك حياة

تعال وداوي قلب مستهيم
تعنا لك وخلاهم وراه
أنا في صوتك المبحوح أهيم
سقيم حال في صوتك دواه
غدا قلبي من أسبابك هشيم
يرد الصوت ويجاوب صداه

تركت الناس واخترتك لزيم
حرام يبيع قلبك من شراه
قبل كنا على الدرب السليم
وطير الحب يكفخ في سماه
وأثر ما فيه شي يستديم
مصير الوقت ياخذ ما عطاه
مصير الوقت ياخذ ما عطاه

زمانك صار للعاشق خصيم
إذا حبيت لك شخص خذاه
بدايات الهوى جنة نعيم
وحب وشوق و وصل وغناه
وثالثة غذت نار وجحيم
وراحت مثل مروح القطاه