Alwashihim

አልዋሽህም ልቤን ታያለህና
አልዋሽህም የልብ አምላክ ነህ እላለሁ
እርቦኛል በእውነት ፊትህ
ላምልክህ ይርዳኝና መንፈስህ

ከስሬ ደርቼ ድሪቶዬን
ከላይ ብለብሰው የፀዳውን
ሰው እንደው የሚያየው ፊቴ ፊቴን
እከልላለሁ ገበናዬን

ግን አንተ አትዋሽም አትታለል
ዓይንህ ዘልቆ ልብን ያያል
ዓይንህ ዘልቆ ልብን ያያል

የቀድሞውን ፍቅር አጣሁት ፈላልጌ
ኧረ እኔስ ፈራሁኝ ወዴት ነው ማደጊያዬ
ኧረ እኔስ ፈራሁኝ ወዴት ነው
እግዚአብሔር ደጅ እንዳልጠናሁኝ
ዛሬማ ላፍታ እንኳ አቅም አጣሁ

ናፈቀኝ የጥንቱ ክብር
ናፈቀኝ ቤቴ የነበረ
ናፈቀኝ ኦ እግዚአብሔር
ናፈቀኝ ረሃቤ ትጋቴ
ናፈቀኝ ትንሿ አንዷ ሀሳቤ
ናፈቀኝ ያ ፀሎቴ

የተገለጠው ማንነቴ
ይኸው በፊትህ መድኃኒቴ
አቅም አጣሁኝ አግዘኝ
ያዘኝ ኃይልህን አልብሰኝ

ለአንተ ያለኝ ፍቅር ትኩስ የማይበርድ
በልቤ የሚኖር ሁል ጊዜ የሚነድ
መስሎኝ እንዳልነበር በልጅነቴ ወራት
ራሴን አገኘሁት ልምድ ሆኖብኝ ቀላት
ቤቴን አዘረፍኩት ከፍቼ ለጠላት

ናፈቀኝ ለቃልህ ያለኝ ቦታ
ናፈቀኝ ያንን የእሺታ
ናፈቀኝ ኦ እርዳኝ ጌታ
ናፈቀኝ ለአንተ ያለኝ ክብር
ናፈቀኝ ሥምህ ሲነገር
ናፈቀኝ ኦ እግዚአብሔር

የተገለጠው ማንነቴ
ይኸው በፊትህ መድኃኒቴ
አቅም አጣሁኝ አግዘኝ
ያዘኝ ኃይልህን አልብሰኝ

ይልቅ ይልቅ ይቅርብኝ ልመልስ
ወደ ልብህ ወደ ሀሳብህ ልድረስ
ልሸከመው የመስቀልህን ፍቅር
ተመልሼ ወደ ኋላ አልመልከት
አድስልኝ የቀድሞውን
ናፍቆት ሆኖ ምኞት ሆኖ እንዳይቀር
ሰምቼ አንተን እንዳፈራበት
ለም አድርገው የልቤን መሬት