Plumin

Negliu rispost’en quella mar da stgiradetgna,
negliu sinzur a miu emprar e miu bargir,
negliu confiert ni plaid per mia passadetgna,
negliu canorta e lagugn per miu pitir.

mo jeu cun tei persuls, sternius en l’jarva mutta,
eis egls damondas tgeuas e quitaus amars,
e sin las levzas neras ina spronza rutta
ed il davos giavisch restau ed a mi cars.

sco in plumin less jeu sfundrar,
e tut las vuschs less jeu udir,
quei cant profund – e lu cantar.

aschia sun jeu cheu persuls sternius sil prau
en vischinonz’intim’ed art e part serrada
cun il silenzi grond da tia grunda stgira.

ed en il blau profund da tiu portal velau
s’envida ina steila ch’ei da lunsch durdada
ord il cussin d’argien sin mia miass madira.

sco in plumin less jeu sfundrar,
sfundrar, tedlar ed encurir.
e tut las vuschs less jeu udir,
quei cant profund – e lu cantar.