Rosalia

Rosalia, da natira paupra matta
era vegnida nera da tgierp spella platta
EI fein ha mai schischiu zatgei pli bi
che da Rosalia siu surrir
Cul vent magliava el risdiv
era negin pli cun ella egl igniv

La glina faleina, paupra matta
dat bu garanzia per tschella schlatta
Malfideivels ils umens ein
sependan bu ditg vid il medem sein
Cul vent magliava el risdiv
era negin pli cun ell’en igniv

In di denton vegn in um sperasvi
vul vestgir la matta cun seid’e vali
Datga nuot dallas nauschas buccas
sefida pauc da teccas e tuccas
Cul vent magliava puspei el risdiv
era igl um cun ell’en igniv

Rosalia embratschava fetg quei um
sco urin barschava siu betsch sil frun
Ditgavan nuot dallas nauschas buccas
sefidavan nuot da teccas da truccas
Cul vent magliava puspei el risdiv
sezulavan els auncadin’egl igniv

Di da plievgia caulda eis ei dau el tgau
d’empruar ella paliu putana cul puccau
Sigl ault dil turnier ei lu succediu
che la buglia caulda ha els laguttiu
Cul vent magliava puspei el risdiv
era la bissacca persula egl igniv

Als morals malvugli ehe selegran da quella sort
less Leo Tuor schar dir ch’ei seigi la pli biala mort