Hantamberg

Doloriet spatsels
Van die outyd
Hier opgestapel
Krans op krans

Yl blou berge van die Hantamwyk
Waar klipmuur die berg omsoom
En natuurkinders aan jou hange wei
Kan ek die dag omdroom

En as soggens vroeg
Jou wange bloos
En skadus uit
Jou klowe kruip

Ontwaak jou prag van bos en struik
Die sterboom skiet die hoogte in
Terwyl jakkelsjong en roosmaryn
In my neusgate sluip

Hantamwyk, Hantamberg
Tuiste van mens en dier
Hier wil ek altyd werk
My siel en liggaam se rusplek

En die rykdom
Van jou rooi klei
Sal weldadig deur
Deur my vingers gly