Bobotie

Sy was nie oulik, sy was nie vroulik
Sy was nie eintlik baie mooi nie
Maar ek sien haar voor haar stofie
En ek ruik haar lekker bobotie

Ek het haar sien loop
Tussen die Kaap en Grabouw
Sy was bietjie mank
Maar ek het geweet
Met haar gaan ek trou

Dit was een somernag
En 'n bietjie sweet
Toe staan ons voor die magistraat en
Sweer die eed

Sy was nie oulik, sy was nie vroulik
Sy was nie eintlik baie mooi nie
Maar ek sien haar voor haar stofie
En ek ruik haar lekker bobotie

Na ses kinders en dieselfde huis
Het die huwelik verbrokkel
Soos 'n slegte kys
Ek het hard geskreeu en hard probeer
Maar die armoede was vir haar
Net te seer

Die welsyn sny hulle voorraad
Maar fyntjies
En so het die bobotie gekom
Sonder rosyntjies

Jy's nie oulik, jy's nie vroulik
Jy's nie eintlik baie mooi nie
Maar ek sien jou voor jou stofie
En ek ruik jou lekker bobotie

Dit was in jaar agt en twintig
Toe ou dokter diagnoseer
En vier maande later moes die kospotte my leer
Bobotie is 'n knewel
As jy sy kuns nie ken
En sonder my vroutjie
Sou ek sy resep nooit wen

Sy was nie oulik, sy was nie vroulik
Sy was nie eintlik baie mooi nie
Maar ek mis haar voor haar stofie
En ek mis haar lekker bobotie

Ek het nog een laaste keer
'n Kransie gaan lê
En ek was gedwing
Om die volgende te sê

Jy was nie oulik, jy was nie vroulik
Jy was nie eintlik baie mooi nie
Maar ek mis jou voor ons stofie
En ek mis ons lekker bobotie