Seliste Ayda

የጥንቱን ታሪኳን ስመራመርበት
ጥልቅ እውቀት አገኘሁ ፍቅሯን ስማርበት
ገና ወጣት ሳለች እንቡጥ ጽጌረዳ
ፍቅር አስተምራለች ያቺ ሰለስቴ አይዳ

የግብፁን ጦረኛ ጀግናው ራዳሚስ
በመልኳ ተጠልፎ ጥሎት የሷ ቀሚስ
ደምግባቷን ወዶ ሀገሩን ቢከዳ
አይዞህ አለሁልህ ብላዋለች አይዳ
ገራችው ሃይሉን ገራችው
በፍቅር አስተማረችው
እየራራችለት እሱንም አራርታው
ህዝቧን ነፃ አወጣች በውበት እረታው
አሸነፈኝ ብላ ቂምም ሳትይዝበት
ፈቀደች በፍቅር ልቧን እንዲያዝበት

ሰለስቴ አይዳ ሰለስቴ አይዳ
የፍጥረት ንጋት የውብ ማለዳ
ሰለስቴ አይዳ ሰለስቴ አይዳ
አርጎ የሰራት መልከ ፀዐዳ

ቤቷ ልዕልት ሆና ንጉስ የወለዳት
ሎሌ አደረጏት እዛ በምርኮ ሲወስዷት
ከአገር የወጣ ሰው ክብር የለውም ብላ
ትንሽ መስላ ኖረች ሁሉን ተቀብላ
ገራችው ሃይሉን ገራችው
በፍቅር አስተማረችው

ገብቷት የሷን መውደድ መርጦ እንደተሰዋ
ከእሱ ጋር ጠጣችው መራራውን ጽዋ
ታሪኩን በደሟ ጠቅሳ ልትጽፍበት
ቆረጠች በፍቅሯ ሞቱን ልትሞትበት

ሰለስቴ አይዳ ሰለስቴ አይዳ
ህይወቷን ሰጠች ለፍቅር ብላ
ሰለስቴ አይዳ ሰለስቴ አይዳ
ተካፈለችው የነፍሱን እዳ
ሰለስቴ አይዳ ሰለስቴ አይዳ
ተካፈለችው የነፍሱን እዳ