حرب الدول ما تنطح الا دولة

اللي مايعرف فعلنا قولو له
يرم العرب كلن يعد فعوله
حرب الدول ماتنطح الا دولة
واللي يعاديها عساه فداها

يوم الجزيرة بالقشر مشتده
لديارنا مجد تعداء حده
من الكويت الين تاصل جدة
بالخيل والسيف الحدب نحماها

الكفو اصخر كل قاف لاجله
جبت القوافي فيه مديحه عجله
الذ من طعم الفرات ودجله
في حبك فكرتها وفي معناها

عصابة راسي ياعصابة راسي
ياهل الكرم والطيب والنواسي
بالفعل مانتم مثل باقي الناسي
واللي سمع بفعولنا يلقاها

في حفل قرمن مايطفي ضوه
مع الكرم طيب وفاء وحموه
يفرح ليا من قلت على القوه
ويكرم اشناب العرب ولحاها

مبروك يابن حجاب ياعبدالله
اللي يشرف كل من ياصله
تلقى الشبط قبل تفوح الدله
ذي عادة ربوعي وذا مبداها

ترا الوسيدي منزله بالقمه
على المراجل فيه عزم وهمه
للاجنبي ولا مع ابناء عمه
كل الصعايب بالقدم ياطاها

منا دخيل اللي ينومس فعله
اعظم شعارات الوفاء ترفع له
فعلن غريب وكلن موقع له
عطى الوعود لجارته واوفاها

انشد وتلقى الفعل لاهل البلهاء
زحول قوم ماحدن يجهلها
من تالي الازمان ولا اولها
اليا طلبنا الكايده جبناها

كم شيخ قوماً ماتطيح عزومه
مغتر في نفسه وكثرت قومه
الله جعل على يدينا يومه
ماتنطح العطفه اللي سقناها

شبورنا بالواجبه ماتقصر
واللي يعد فعلونا ماتحصر
يبصر بها اللي به عما مايبصر
واللي مايسمعها يبا يقراها

رجال فعل ونارنا وقاده
فينا الشجاعه والطناخة عاده
هيبة فعول وسلطنة وسياده
سرنا على الامجاد واخذناها

اللي مايعرف فعلنا قولو له
يرم العرب كلن يعد فعوله
حرب الدول ماتنطح الا دولة
واللي يعاديها عساه فداها

يوم الجزيرة بالقشر مشتده
لديارنا محدن تعداء حده
من الكويت الين تاصل جدة
بالخيل والسيف الحدب نحماها

واليوم قاعك يالوطن معموره
محدن يمثل دور ماهو دوره
والحكم لله ثم لاخو نوره
اللي حمى الدولة وعاد بناها