Brasil

E vai, e vai, e vai ao Brasil,
e vai, e vai, tamén eu hei de ir.
e vai, e vai, a Montevideo,
e vai, e vai, tamén hei de ir eu.

Liñares da miña vida,
Liñares da miña vida,
cando de Liñares saia,
hei de ir ao campo de riba,

E vai, e vai, ...

Hai que cantar para unha ronda,
hai que cantar para un rondar,
hai que cantar para unha ronda,
quen o soubera cantar.

E vai, e vai, ...

Baila se queres bailar,
baila se queres bailar,
colleches a mellor moza
que había neste lugar.

E vai, e vai, ...

Teño un amor como un sol
e eu a Deus non llo merezo,
todos me din que o venda
e o meu amor non ten prezo.

E vai, e vai, ...