Pazos De Borbén

Eu querer, quérote ben-e, ole, morena,
Da raíz do corazón-e,
O que me falta saber-e, ole, morena,
Se ti me queres ou non-e

Mariñeiro non, que vai e non vén,
Un carreteiriño que carrete ben,
que carrete ben, que carrete ben,
mariñeiro non, que vai e non vén

No inferno hai unha festa
Que a fan os condenados
E o demo tócalle a ghaita
Cos dentes arreghañados

Xa fun a Marín, xa pasei o mar,
Xa comín laranxas do teu laranxal,
Do teu laranxal, do teu laranxal,
Xa fun a Marín, xa pasei o mar

Escribíache unha carta,
Se ti ma souberas ler-e,
Se lla dás a ler a outro,
Velaí vai o ben querere

E vaite daí, xa podes marchar,
Que na miña vida che volvo a falar,
Che volvo a falar, che volvo a falar,
E vaite daí, xa podes marchar

Vou a dá-la despedida
Por riba dunha peseta
E aghora non canto máis-e
Que teño a gharghanta seca

Mariñeiro non, que vai e non vén,
Un carreteiriño que carrete ben
que carrete ben, que carrete ben,
mariñeiro non, que vai e non vén