Bestefar

No er det vår i eplehagen, du skulle vore med i valsen
No lyfter sevja sine safter ombord i gamle tre
Og trea heiser kvite segl og ber om groversbør
Så greiner som du eingong poda inn kan fylle sine slør

Bestefar – det gror av dine hender
Bestefra – dei gamle trea sender
Bestefar – eit brev med godlukt frå ein blomstringsdag
Bestefar – ta på deg arbeidskappa
Bestefar – kom ut på himmeltrappa
Bestefar – så dreg du inn eit salig magadrag

Kjenn det angar Signe Tillisch
Haugmann frir og sender våte slengkyss
Gravenstein med raude adamseple
Brusar i eit kor til Evas pris

Du sto med føtene på jorda, eit liv med planter, kvist og tynning
Men hausen lengta mot det høge, no er du der for visst
Sjøl har eg falle langt frå stammen, men endå kan eg sjå
Eit tre som veks seg inn i himmelen med kronårsavling på

Bestefar – plukk eple opp i lua
Bestefar – sorter dei inni bua
Bestefar – og gje Vårherre av den beste sort
Bestefar – hugs det kjem andre tider
Bestefar – så sett ein dunk med sider
Bestefar – i lystig lag går vinternatta fort

Kjenn det angar Signe Tillisch
Haugmann frir og sender våte slengkyss
Gravenstein med raude adamseple
Brusar i eit kor til Evas pris