Сагынгандан

Жададым жалгыздыктан
Жарым түн бекем кыскан
Сен дагы чарчадыңбы
Жүрөккө толгон буктан
Күндөрду күттүң бекен
Сырдашып черден чыккан

Асманды карап чексиз
Агарып жылдыз учкан
Жолдорду баштап келчү
Жолугуу көздөн учкан
Бир гана жадабадым
Сагынычтан
Сагынычтан!
Бир гана cагынычтан

Чарчадым жаңылгандан
Күн санап зарылгандан
Өңүмдө жолукпастан
Түшүмдө жалынгандан
Көрүшпөй узак жылдар
Көңүлдө калган арман

Жададым көртирликти
Моюнга тагынгандан
Мандайда жазуу деген
Тагдырга багынгандан
Бир гана жадабадым
Сагынгандан
Сагынгандан!
Бир гана сагынгандан

Чарчадым басынгандан
Чачылдым асыл арман
Таппадым адашкандай
Тагдырда табылгамдан
Бук толуп бөксөртпөгөн
Бул жарык жашоо жалган

Кечиктим дей албастан
Кезикким келет абдан
Купуя күтүп сени
Кусалуу камынгандан
Бир гана чарчабадым
Сагынгандан
Сагынгандан!
Бир гана сагынгандан
Бир гана сагынгандан