Lovers

Hesch gwüsst, ech be am Friitigabe spat gebore
mech händ's als chliine Bueb im Alpamare verlore
mir sind scho lang zäme uf de gliiche Reis
aber gliich gid's Sache, wo du nonig weisch

Hesch gwüsst, wo mir sind zäme cho, da han i chli gloge
be go Züri West lose, ohni dech z froge
okay, ech gibe zue, ech ha's doch au ned gwüsst
dass' mech noch dere Nacht eso verwütscht

Hey, villecht simmer nömm so Rock 'n' Roll
es Glas halbläär, aber gliich randvoll
mir hocke mit de Jungs am Tisch oder am Strand
und gönd i Europapark oder is Legoland

Es isch ned immer Liebi, wo us de Boxe chonnt
mängisch lüüter as ACDC im Letzigrund
mir sind di gröschte Lovers und Haters vonenand
defür seeleverwandt

Hesch gwüsst, ech find's immer no s Geilscht mit dir
ech verlieb mech immer no, aber immer no i dech
hesch gwüsst, ech lueg dech immer no ah, wenn du schlofsch
und vermisse dech scho, bevor du gohsch
anderi Mönsche münd im Lotto gwünne
oder bruuched es Huus am See
hesch gwüsst, ech find's immer no s Geilscht mit dir

Hesch gwüsst, ich weiss, es isch a fucking pain mit mir
tuusig Ideä, aber i de Chuchi liit s dräckige Gschirr
ech be i minere Wält und ghör ned, was du seisch
hesch gwüsst, ich wett dir säge, es tuet mer leid

Hey, mir händ s halbe Läbe zäme erläbt
wie de Roger in Paris dä Pokal ufehebt
hesch gwüsst, ech sing de Song, nume um dir z säge
's isch immer no s Geilscht, s Geilscht, mit dir z läbe

Es isch ned immer Liebi, wo us de Boxe chonnt
mängisch lüüter as ACDC im Letzigrund
mir sind di gröschte Lovers und Haters vonenand
aber seeleverwandt

Hesch gwüsst, ech find's immer no s Geilscht mit dir
ech verlieb mech immer no, aber immer no i dech
hesch isch gwüsst, ech lueg dech immer no ah, wenn du schlofsch
und vermisse dech scho, bevor du gohsch
anderi Mönsche münd im Lotto gwünne
oder bruuched es Huus am Zürisee
hesch gwüsst, ech find's immer no s Geilscht mit dir

Find's immer no s Geilscht mit dir
find's immer no s Geilscht mit dir
find's immer no s Geilscht mit dir

Solang ab und zu Liebi us de Boxe chonnt
bruucht's au kei wiitere Grund
wil die gröschte Lovers und Haters vonenand
die bruuched enand

Hesch gwüsst, ech find's immer no s Geilscht mit der
ech verlieb mech immer no, aber immer no i dech
hesch gwüsst, ech lueg dech immer no ah, wenn du schlofsch
und vermisse dech scho, bevor du gohsch
anderi Mönsche münd im Lotto gwünne
oder bruuched es Huus am See
hesch gwüsst, ech find's immer no s Geilscht mit dir

Find's immer no s Geilscht mit dir
find's immer no s Geilscht mit dir

Anderi Mönsche münd im Lotto gwünne
oder bruuched es Huus am See
hesch gwüsst, ech find's immer no s Geilscht mit dir