A Maye Aye Yate

လူကြုံရင် တမှာထဲမှာ
လူလာတိုင်း တမေးမေးနဲ့
အဝေးရောက်နေတဲ့
သားတစ်ယောက်အတွက်
ရတက်ငယ် မအေးတဲ့
မွေးမေမေရယ်

လွမ်းအားနဲ့ ပူပင်ကာ
တဖွဖွပြောရင်း
ကျွဲပါးစောင်းတီး စကားလိုပဲ

အသိခက်တဲ့သား
ဇွတ်တရွတ်နိုင်အား
မိဘစကား ပယ်ရှားလို့
ဒုက္ခရောက်တာ ကိုယ်တွေ့ပဲမို့
သားမိုက် သိနားလည်ခဲ့ပြီ

သီတာရေကြည် တပေါက်ကျ
မိဘတိုင်း စိတ်အေးချမ်းမြ ထွေးပိုက်ချင်မယ့်
သားအလှရဲ့ နဖူးပြင်လေး
မွှေးကြူကာရယ်
ခေါင်းစိုက်မှေးမှီရင်း
ကဗျာချို တအေးအေး ညည်းကာ
ကျောသပ်လို့ ချော့သိပ်ပုံများ

အဝေးရောက်တဲ့သား
မေ့ရက်နိုင်အား
သောကစိတ် ခြေမွလို့
ဝမ်းနည်းဆွေးပူနေတောင်မှပဲ
တောင်းဆုမပျက်တဲ့ အမေ့မေတ္တာ

ဘယ်ဆီဘယ်ဝယ် ရောက်ရောက်
အချိန်တန်လို့ အပြန်လမ်းခရီးက
အမေ့ရဲ့ရင်ခွင် တစ်ပါးမှလွဲရင်
တခြား နားခိုစရာမမြင်
တောင်းဆိုးပလုံးဆိုးသာ စွန့်ပစ်ရိုးထုံးစံ
သားဆိုးသမီးဆိုး မစွန့်နိုင်ခဲ့

ကျေးဇူးမြင့်မား
မြင့်မိုရ်တောင်မက
အမေ့ရဲ့မျက်ရည် စို့စို့
ခန်းခြောက်ဖို့မျှော်ရည်ကာ အဝေးမှ
အမေ့အေးရိပ် သားပြန်ခဲ့ပြီ

သီတာရေကြည် တပေါက်ကျ
မိဘတိုင်း စိတ်အေးချမ်းမြ ထွေးပိုက်ချင်မယ့်
သားအလှရဲ့ နဖူးပြင်လေး
မွှေးကြူကာရယ်
ခေါင်းစိုက်မှေးမှီရင်း
ကဗျာချို တအေးအေး ညည်းကာ
ကျောသပ်လို့ ချော့သိပ်ပုံများ

အဝေးရောက်တဲ့သား
မေ့ရက်နိုင်အား
အမေ့ရဲ့မျက်ရည် စို့စို့
ခန်းခြောက်ဖို့ မျှော်ရည်ကာအဝေးက
အမေ့အေးရိပ် သားပြန်ခဲ့ပြီ

အမေ့အေးရိပ် သားပြန်ခဲ့ပြီ

မလွမ်းနဲ့တော့ သားပြန်ခဲ့ပြီ