ليل اغسطس

من طواري لا طواري من مساري لا مساري
ما انثنى عظم الشجاع ولا تراخا في مسيره
البليد يعيش في راحة ولا يدعيه طاري
عن صراعات الكبار اللي مواقعها خطيرة

ما طمع كسر السباع ولا طمع صيد الحباري
رافعاً رايات سلمه دونها لو هي تثيره
نعرف طيور الحرار ونعرف طيور الكناري
الوحش تفرق فعوله بالمواقيف الكبيرة

ودك الرجّال دون أحلامه يكون إنتحاري
يقدم بعقل الوليد ويضرب بسيف المغيرة
أما أنا دايم طموحاتي تجاور للسواري
ما إلتفت يم القليل ولا إلتفت يم الصغيره

ليل أغسطس ما معه سلطان من كثر الطواري
ايتجلا في مداه الفكر والوقفة كبيرة
أكحل عيون القصايد فاللزوم الإضطراري
وأكحل عيون النشاما والهد النفس الحقيرة

من طواري لا طواري من مساري لا مساري
ما إنثنى عظم الشجاع ولا تراخا في مسيره
البليد يعيش في راحة ولا يدعيه طاري
عن صراعات الكبار اللي مواقعها خطيرة

ما طمع كسر السباع ولا طمع صيد الحباري
رافعاً رايات سلمه دونها لو هي تثيره
نعرف طيور الحرار ونعرف طيور الكناري
الوحش تفرق فعوله بالمواقيف الكبيرة

ودك الرجّال دون أحلامه يكون انتحاري
يقدم بعقل الوليد ويضرب بسيف المغيره
أما أنا دايم طموحاتي تجاور للسواري
ما إلتفت يم القليل ولا إلتفت يم الصغيره

إتركوني كل ما مني تعرضت البراري
امتشتت من زماني صابني بالوقت حيرة
ما طمعت إلا بكسبٍ دونه أنياب الضواري
ما تقدم له ضعيف العزم واليمنى القصيرة

أنكسر وأرجع وأكافح ما يطيحني إنكساري
وأتعلم من زماني موقفي وأقول خيره
اعلويٍ دون سده يلجم افواه الهذاري
ما علم في وسط صدره غير علاّم السريره
ما سعيت إلا بخوة من حفظ عنده وقاري
الرفيق اللي صنع بالطيب له تاريخ سيره
تركي بن هلّال بن صحران للأمجاد ضاري
إسم إبن صحران يصدح بالمواقيف الشهيرة

الرفيق اللي على طاريه يزداد إفتخاري
لا وقف بالكايده يكفيك عن ميقاف غيره
كان للأقواس باري للولد والد وباري
ذاخره عودٍ يشوف أنه على الوقفة سفيره

ينحر القعدان للضيفان عادات المطاري
كل ما سوا كرامه ياجد الراحة ضميره
بين أبوه وبين عمّه ماخذن منهم مواري
والفهد سيفه ليا إحتاجه يسلّه من جفيره

نسل شيخاً في علوم المرجلة ماله مباري
القبال الزين والفزعات واليمنى الغزيره
يا سلام الله على شيخ الكرم ذيب الغداري
راس ميزانيٍ براسه ثقل تقدح سعيره

إن سكت هيبة وتصريحه ليا من حان ناري
وإن فعل حل الأمور اللي على غيره عسيره
كل ما مالت يردد لا جوار إلا جواري
مزبن اللي من ظروف الوقت ينخى من يجيره

إسم إبن صحران بالتاريخ ماهو باستعاري
كل يوم يجدد الأمجاد في شبه الجزيرة
راس عودن ماقنا إلا الزين من سفن الصحاري
معه هامات الوضح تاطا الحيا في كل ديره

كل ما هوبل لها قامت تخبط بالخباري
من نظره ومن رياله يوم غيره من شويره
المراجل سوق للزحول العرب بايع وشاري
والمطيري إسمهم خضرا على نفس الوتيره

عز يا مطير العريقة كان للتاريخ قاري
بالكرم ولا ليا منه دعى قدح الذخيرة
من صطركم تصقطون الطايرة في طلق ناري
من نوا حمر النواظر باللقى ما طار طيره

الدخيل تزبنونه يوم ما يلقى مذاري
وبالكرم تعمون عين البخل ما يلقى نظيره
يا مطيرة المنام ويا مذوقة العزاري
من تعرّض في نحاكم باللقاء حستوا مريره