Neguko Oporrak

Zuhaitzak biluztu egin dira,
ez daukate hostorik;
negu gorrian egon arren
haientzat ez da hotzik.
Elurrezko beroki ederra
daramate jantzirik;
pozarren urtaro berrian
sartu gara jadanik.

Neguko oporretan
pozik eta algara
kanta eta dantzatzen
euskaraz bizi gara.

Abenduko azken egunak
amaitzen ari dira;
etxeko beheko suan dago
subilaro berria;
alakiketan ari gara
gure ezpainetan irria;
Olentzero prestatzen dabil
guztiontzat oparia