Məhəbbət

Mən ki, bilməz idim nədir məhəbbət, –2
Bu sirri sən mənə anlatmadınmı? –2
Dünyaya sığmayan şair könlümü,
Köksümdən çıxarıb oynatmadınmı?
Nəqərat:
Mən ki, nəğmə deyib bənövşələrdən,
Peşəm zövq almaqdır bir şux dilbərdən.
Məndən kənar gəzib, dolanıb hərdən,
Qəlbimi sıxmağa can atmadınmı?
Yüz hicran qəlbimi alanda ələ, –2
Zərrəcə halıma yanmadın belə. –2
Müşfiqin qəlbini tez alıb ələ.
Onu röyalardan oyatmadınmı?