Sevgilim Ləblərin Sərməsti Olan (Şüştər Təsnifi)

Sevgilim, ləblərin sərməsti olan,
Yəqin ki, saqidən şərab istəməz.
Məşuqun qəlbində mürüvvət olsa,
Aşiqin qəlbini kabab istəməz.
Nəqərat:
Cəhd eylə, aşiqi camala yetir,
Rəqibi kuyindən zavala yetir.
Mən kimi xəstəni vüsala yetir,
Məgər gözəl olan savab istəməz?
Pərişan zülflərin əssin, bad olsun,
Rəqiblər kuyindən varsın, yad olsun.
Götür bərqi üzdən könül, şad olsun,
Günəştək camalın niqab istəməz.