Ek Bly Jou Taal

In elke klank en konsonant
Lê al die eggo's van my verhaal
So baie stories deur my vertel 
So baie keer die prys betaal 

Maar al die jare het aan my siel geskaaf 
Maar waar ek nou staan, staan ons vas en braaf 
Ek ken jou goed
My naam is in jou bloed 

En al wil jy my stem stilmaak 
En al dink jy ek maak nie saak 
Kan jy maar uit my verlede gaan leer 
Ek sal weer opstaan, keer op keer 
En as jy my praat
My hart verstaan 
Maak dit nie saak waar kom jy vandaan 
Oor krans en dal 
Ek bly jou stem
Ek bly jou taal 

'n Honderd jaar, nog eintlik jonk 
Nog soveel trefkrag 
Nog soveel vonk 
Laat jou asem my vlerke gee 
Sal jy my saamvat vêr oor die see 

Want deur die jare het ek jou grootgemaak 
Ek is die taal waarin jou hart ook praat 
Jy ken my goed
My naam is in jou bloed 

En al wil jy my stem stilmaak 
En al dink jy ek maak nie saak 
Kan jy maar uit my verlede gaan leer 
Ek sal weer opstaan, keer op keer 
En as jy my praat, sal jy verstaan 
Dit maak nie saak, waarheen jy gaan 
Oor see en al 
Ek bly jou stem 
Ek bly jou taal  
Ek bly jou stem 
Ek bly jou taal 

Mmm 
Ek bly jou stem 
Ek bly jou taal