Sunnyside

Sunnyside se ligte hangsambreeltjies oor die straat
Waar alle soorte goggas in die kegels rondspiraal
Op die bodem van 'n bottel soek 'n boemelaar sy maat
Terwyl hy slinger slinger deur Esselenstraat rond dwaal

'n Blitspatrolie motor staan straat af stil en wag
Gereed vir brekers, rookers en agente van die nag
Hoog in die woonstelblokke is die laat nuus amper klaar
Waar bloedbelope oë na die TV skerm staar

En Gideon se Bybel lê half onder die koerant
Waar hoofopskrifte kerm oor die skaarsheid van kontant
En Gideon se Bybel bly maar meesdal toegelos
Deur hande wat gemoeit is by 'n knoeigeveg oor kos

Die meeste mense lê al in lakens toegespin
En duidelik druis die stilte as die slaapreses begin
Net een venster is nog wakker waar 'n meisie haar ontkleë
En elders word 'n verkyker se lense afgevee

En Gideon se Bybel lê in donkerte gehou
Waar 'n man, sy vrou en kinders met 'n ander meisie kul
En Gideon se Bybel lê heel onder in die laai
Waar die dromer in sy wolkokon vir die tweede slaap omdraai

Dit is middernag en alles is nog wel
Want Sunnyside is veilig in sy sel