Rozalin

ದೋನ್ ತೀನ್ ವರ್ಸಾಂ ಜಾಲಿಂ ಮ್ಹಾಕಾ, ಯೆವ್ನ್ ಖುಶಿ ಕಾಜಾರಾಚಿ
ಪಾಯ್ ಮಾಂಯ್ಕ್ ಕಿತ್ಯಾ ಸಾಂಗೊನಾಕಾ, ಹಿ ಖಬರ್ ಮೊಗಾಚಿ
ದೀಸ್ ರಾತ್ ಕಾಂಯ್ ಪುಣಿ ಸುಖ್ ಮ್ಹಾಕಾ ನಾ, ನೀದ್ ಸಾರ್ಕಿ ಪಡಾನಾ
ಸೊಪ್ಣಾಂತ್ ಜಾಂವ್, ಜಾಗ್ಣ್ಯಾಂತ್ ಜಾಂವ್, ಯೆತಾ ಮ್ಹಜ್ಯೆ ಮತಿಂತ್

	ರೊಜಲಿನ್ ಮ್ಹಜ್ಯಾ ಮೊಗಾಚೆಂ, ಸೊಭಿತ್ ಭಾಂಗ್ರಾಳ್ಯಾ ಕೆಸಾಂಚೆಂ
ಚೊಯ್ತಾನಾ ದಿಸ್ತಾ ಸಗ್ಳೆಂಚ್ ತೆಂ, ಕಿರ್ಣಾಳ್ ಸುರ್ಯಾಚೆಂ
ಮಾಣಿಕ್ ಆಪುರ್‌ಬಾಯೆಚೆಂ, ರುಪಾನ್ ಆಂಜಾ ಸಾರ್ಕ್ಯಾಚೆಂ
ದೆವಾನ್ ಮ್ಹಾಕಾ ನಿರ್ಮಿಲೊಲೆಂ ಚೆಡುಂ ಮೊಗಾಚೆಂ

	ಏಕ್ ದೀಸ್ ಸಾಂಜೆಚ್ಯಾ ವೆಳಾರಿ, ಘೆವ್ನ್ ಗೆಲ್ಲೊಂ ಹಾಂವ್
ರೊಜ್ಲಿನಾಕ್ ಮೊಟರ್ ಕಾರಾರಿ, ಭಂವ್ಲೊಂ ಸಗ್ಳೊ ಗಾಂವ್
ಪಾಟಿಂ ಘರಾ ಯೆತಾನಾ, ಮಾಂಯ್ನ್ ಮ್ಹಾಕಾ ಚೊಯ್ಲೆಂ
ಸತ್ ಸಾಂಗ್ಲೆಂ ಆನಿ ಮಾಫ್ ಮಾಗ್ಲೆಂ, ಚೆಡ್ವಾಕ್ ದಾಕಯ್ಲೆಂ

ರೊಜಲಿನ್ ಮ್ಹಜ್ಯಾ ಮೊಗಾಚೆಂ..... 

	ಏಕ್ ದೀಸ್ ಪಾದ್ರಿ ವಿಗಾರಿ, ಸಾಂಗ್ತಾಲೊ ಖಬಾರಿ,
ಪಾಯ್ ಮಾಂಯ್ ಜಾಲಿಂ ಮ್ಹಣ್ ಕಾಜಾರಿ, ಪಡುನ್ ಮೊಗಾರಿ,
ಆತಾಂ ಹಾಂವ್ ಕಿತ್ಯಾಕ್ ರಾಗಾರಿ, ಮತ್ ಕರುನ್ ವಿರಾರಿ,
ಎಕ್ಟಾಂಯ್ ಜಾವ್ನ್, ಬೆಸಾಂವ್ ದೀವ್ನ್, ಕರ್ಯಾಂ ಕಂತಾರಿ. 

ರೊಜಲಿನ್ ಮ್ಹಜ್ಯಾ ಮೊಗಾಚೆಂ.....