Minim Ayisanihim

አንተን ተስፋ አድርጌ መጥቼ ነበረ
ፀሎቴን ሰምተሃል ስለቴ ሠመረ
ፀሎትን ትሰማለህ እንባንም ታብሳለህ
ለሚጠሩህ ቅርብ ነህ ደጅህን ትከፍታለህ

ኡ አንዳንድ ጊዜ እታወካለሁ
የሚነፍሰው ነፋስ ታንኳየን ሲንጠው
ኡ መርከቤ ላይ ጌታዬ ተኝተህ
ይሄ ሁሉ ሲሆን አታይም ወይ ነቅተህ
የሚሆነው ሳይገባኝ ተጨንቄ ሳምጥ
ታንኳዬ በውሃ ሲሞላ ስናወጥ
ማዕበል የሚታዘዝህ የሚሰማህ ወጀቡ
በተነሳህ ጊዜ ያወኩኝ ዝም አሉ

ምንም ምንም አይሳንህም
የማመልክህ ጌታ ትችላለህ ሁሉንም

ኡ ባለመድሃኒት ያልተገኘላት
አስራሁለት አመት ደም እየፈሰሳት
ኡ ተንከራታች ያላትን ሁሉ አጥታ
ማንም አልተገኘም ችግሯን የሚፈታ
ከህዝብ ሁሉ መሀል በእምነት ተጋፍታ
ፈውሷን  ተቀበለች የልብሱን ጫፍ ነክታ
ለስንቱ መለኛ ላዋቂ ያቃተ
ድንቅ መካር ሃያል ቀላል ነው ለአንተ

ምንም ምንም አይሳንህም
የማመልክህ ጌታ ትችላለህ ሁሉንም

ኸረ  ምንም ምንም አይሳንህም
የማመልክህ ጌታ ትችላለህ ሁሉንም

ኸረ  ምንም ምንም አይሳንህም