Koshiya Bharaye Lagal

देर होता देर होता देर होता जी
दउरा उठाई गधबेर होता जी
ऐ जी
देर होता देर होता देर होता जी
दउरा उठाई गधबेर होता जी
सगरो छठी माई के गितिया सुनाये लागल
बेदिया लिपाये लागल चननी तनाये लागल
कोशिया भराये लागल
अरे कोशिया भराये लागल

फलवा धोवाई के सूपवा सजाई ल
हाली हाली पहिर पियरिया
कलशा उठाई ल जलवा भराई ल
बारी ल तू घीव के दियरिया
हम त कबहि से जी कही चलही के जी
सभे दउरा उठाई घाटे जाये लागल
बेदिया लिपाये लागल चननी तनाये लागल
कोशिया भराये लागल
अरे कोशिया भराये लागल

गंगा जी के तिरवा भईल बाटे भिड़वा
जुटल बाड़ी बरती तिवईया
करी हथजोरिया पुरुबे के ओरिया
कब अईहे आदित गोसईया
लेके लाली हे देव आई हाली हे देव
त देख सुरुज देव के अरघ दियाए लागल
बेदिया लिपाये लागल चननी तनाये लागल
कोशिया भराये लागल
अरे कोशिया भराये लागल