Bastard Dun Gat

A vivevi tranquil
E par me l'mond l'era piat
Finchè l'me vsin l'ha cumprà n'gat
A m'levi sö na matina par fa culasion
Al piat l'era vöt e in ca gh'era nson
Alora töghi an cortel e a m'tai do feti ad salam
Salta föra n'brüt gat, m'al roba da li man
C'at vegna n'cancar bastard d'un gat
A t'g'arè mia idea da fam vgnì mat
C'at vegna n'cancar ti e l'to padron
Apena c'at ciapi a t'magni i maron
A m'meti a fa n'sunel so in s'al divan
Al va drì c'a m'caga in s'al sügaman
Intant c'lè molent cuncentrà a cül büson
A g'tiri in d'la schena an bel stüalon
A sbagli la mira a scapa via l'gat
A m'rimbalsa l'stival
A l'ma spaca töt i piat
C'at vegna n'cancar bastard d'un gat
A t'g'arè mia idea da fam vgnì mat
C'at vegna n'cancar ti e l'to padron
Apena c'at ciapi a t'magni i maron
A m'prepari na custada e in tant ca vö so a tù l'vin
La m'l'a magnada fin a l'ültim tuclin
A vö so in s'la terasa a g'ho mo i cavei ca fa l'fom
L'è so in s'la me sdraio c'al par al padron
A g'tiri a drè na marasa senti che bot
A csè la me sdraio l'è fnida in dü toc
C'at vegna n'cancar bastard d'un gat
A t'g'arè mia idea da fam vgnì mat
C'at vegna n'cancar ti e l'to padron
Apena c'at ciapi a t'magni i maron
A g'prepari na trapola al tiri dentr'in d'an sac
Ades a t'al dö me bastard d'un gat
Intant che l'so padron al ciamava "Minin!"
Me da sta taöla a spudavi föra tüti i osin
Fursi an qualdom l'a m' ciaparà par mat
Ma l'ho pran güsta cul bastard d'un gat
C'at vegna n'cancar bastard d'un gat
A t'è bela fnì da fam vgnì mat
C'at vegna n'cancar ti e l'to padron
A t'l'avì det c'at magnavi i maron