Спявай, Душа Мая

Краю мой мілы, чароўны мой край
Зноў я вітаю цябе з любоўю
Кожнай часінай і кожнай парой
У думках і марах сваіх я з табою

Сонейка ўстане, адхлыне нуда
Любасць сэрца мае запалоніць
Вабіць паднебна блакітная даль
Клічуць жытнёва зялёныя гоні

Тут паплавы, лугі і пожні
Тут любы мой прасветлы край
Усёй зямлі і кветцы кожнай
Спявай, душа мая, спявай

Толькі ў родным куточку-краю
Замілаванне ў сэрцы адчую
Закалышу, прыгалублю сваю
Мілую, ветлую, дарагую

Я да цябе душой хінуся
І ўсэрцы зноў квітнее май
Красуня мілай Беларусі
Спявай, душа мая, спявай

Тут паплавы, лугі і пожні
Тут любы мой прасветлы край
Усёй зямлі і кветцы кожнай
Спявай, душа мая, спявай